Ka ndërruar jetë në Spitalin e Traumës në Tiranë 20-vjeçari Kristjan Kola, i cili u aksidentua më 6 mars në aksin rrugor Rrile–Shënkoll.
I riu, banues në fshatin Tale, nuk mundi t’u mbijetojë plagëve të rënda të marra si pasojë e aksidentit.
Sipas të dhënave, automjeti me të cilin ai po udhëtonte u përplas fillimisht me një mjet tjetër dhe më pas doli nga rruga, duke u përplasur me një shtyllë ndriçimi.
Pas aksidentit, 20-vjeçari u transportua me urgjencë për trajtim mjekësor në Spitalin e Traumës në Tiranë, por pavarësisht përpjekjeve të mjekëve, ai nuk arriti të mbijetojë.
©️zërionline
