Një konflikt i ndodhur rreth orës 14:00 në Durrës ka përfunduar me plagosjen e një 26-vjeçari. I riu, me inicialet R.K., është paraqitur për ndihmë mjekësore në Spitalin Rajonal të Durrësit, pasi ishte goditur me mjet prerës në këmbë dhe kishte marrë edhe dëmtime të tjera fizike.
Sipas të dhënave paraprake, ai është konfliktuar me një 35-vjeçar me inicialet A.N., i cili gjatë përplasjes dyshohet se e ka plagosur me thikë. Fatmirësisht, 26-vjeçari ndodhet nën kujdesin e mjekëve dhe është jashtë rrezikut për jetën.
Policia është vënë në ndjekje të autorit të dyshuar, ndërsa grupi hetimor, nën drejtimin e Prokurorisë, po punon për zbardhjen e plotë të rrethanave të ngjarjes dhe dokumentimin ligjor të saj.
Në përditësim…
©️zërionline
