Familja Brahimi nga Obiliqi ka njoftuar se nesër do të varroset më i dashuri i tyre, Ilazi, që vdiq tragjikisht në Majac të Podujevës.
Në postimin e një familjari thuhet se të ndjerit do t’i jepet lamtumira e fundit në varrezat e fshatit. Viktima u vra nga e dashura e tij, Ardita Gashi, 31 vjeçe, e cila të dielën mbrëma qëlloi edhe gruan e xhaxhait të saj, në rrethana dhe për motive akoma të panjohura.
E plagosura dhe vet e dyshuara, vdiqën sot në QKUK. Kjo e fundit u lëndua pasi qëlloi veten.
Mbrëmjen e 22 marsit, 31-vjeçarja, Ardita Gashi dyshohet se qëlloi me pistoletë duke i marrë jetën, brenda automjetit, Ilaz Brahimit, i cili sipas burimeve vendore kishte shkuar për t’u sqaruar me të pas disa konflikteve që kishin.
E plagosur kishte mbetur edhe Miradije Gashi, gruaja e xhaxhait të autores, por vdiq më pas mëngjesin e së hënës, derisa po trajtohej në QKUK.
Edhe Ardita Gashi po trajtohej në QKUK, pasi ishte në gjendje të rëndë shëndetësore, si pasojë e vetëplagosjes. Por, as ajo nuk ka arritur t’u mbijetojë plagëve dhe vdiq mëngjesin e së hënës.
Zëdhënësja e Prokurorisë Themelore në Prishtinë, Kaltrina Shala deklaroi për ngjarjen se gjithçka kishte nisur si pasojë e një mosmarrëveshjeje mes të dyshuarës kryesore dhe 45-vjeçarit. Hetimet për ngjarjen vazhdojnë, po me vdekjen e autores së dyshuar për krimin akuza për vrasje dhe armëmbajtje paleje shuhen.
©️zërionline
