Shkencëtarët e CERN-it bëjnë historinë me transportin e antimateries.
Antimateria, një nga misteret më të mëdha të universit, po afrohet më pranë studimeve praktike jashtë laboratorëve falë një arritjeje të re shkencore. Së fundmi, shkencëtarët në CERN kanë transportuar për herë të parë një sasi të vogël antimaterieje, rreth 92 antiprotonë, në një distancë të shkurtër me kamion të specializuar, pa asnjë humbje të materialit të rrallë dhe jashtëzakonisht të ndjeshëm.
Ky test demonstron se antimateria mund të manipulohet dhe zhvendoset në mënyrë të kontrolluar, duke hapur rrugën për eksperimente të ardhshme që synojnë të kuptojnë simetrinë e universit dhe arsyen pse ky është i dominuar nga materia dhe jo antimateria.
Ekspertët paralajmërojnë se, megjithëse sasia e transportuar është minimale, ky zhvillim ka impakte të mëdha për fizikën eksperimentale dhe për studimet e ardhshme mbi antihidrogjenin dhe antiprotonët. Sipas Space.com, ky hap është gjithashtu një mundësi për të testuar teori që lidhen me shfaqjen e antimateries pas Big Bang-ut, përfshirë idenë se vrimat e zeza primordiale mund të kenë “gëlltitur” pjesën më të madhe të antimateries, duke lënë një univers të dominuar nga materia.
Për shkencëtarët, antimateria mbetet një nga elementët më sfidues dhe intrigues të fizikes moderne, e njohur si forma e “tjetrës” e materies normale, e cila mund të përdoret për eksperimente kozmike, por edhe për aplikime teknologjike në të ardhmen.
©️zërionline
