Forcat “Shqiponja’ arrestuan një 28-vjeçar në Durrës, i dënuar më parë për vrasje dhe armëmbajtje pa leje. Arrestimi i tij u bë në zonën e plazhit, lagjen nr. 13, Durrës, ndërsa ishte pasagjer në automjetin me drejtues një 25-vjeçar.
Gjatë kontrollit fizik, Edrin Varakut iu gjet 1 armë zjarri pistoletë, me municion luftarak, që ai e posedonte pa leje. Ai akuzohet për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Ndërsa drejtuesi i automjetit, banues në Shijak, u procedua në gjendje të lirë, për veprën penale “Moskallëzimi i krimit”.
Ai është emër i njohur për drejtësinë pasi rreth 13 vjet më parë, në dhjetor 2013, Varaku ekzekutoi shokun e shkollës Adriatik Tota me armë zjarri.
Ngjarja ndodhi në ambientet e praktikës në shkollën profesionale “Beqir Cela” në Shkozet të Durrësit.
©️zërionline
