Sot besimtarët katolikë dhe ungjillorë në mbarë botën festojnë Pashkët, një nga festat më të rëndësishme të kalendarit të krishterë, që simbolizon ringjalljen e Jezu Krishtit dhe fitoren e jetës mbi vdekjen.
Kjo festë vjen pas një periudhe reflektimi dhe agjërimi, e njohur si Kreshmë për besimtarët katolikë, dhe kulmon me meshën e mesnatës dhe dhe lutjet festive në kishë. Për besimtarët, Pashkët përfaqësojnë shpresën, faljen dhe një fillim të ri shpirtëror.
Një nga simbolet më të njohura të kësaj feste janë vezët e ngjyrosura me të kuqen e gjakut dhe sakrificës së Jezu Krishtit. Familjet mblidhen për t’i lyer dhe për t’i përplasur vezët, një zakon që shoqërohet me urime për fat dhe mbarësi.
Pashkët janë edhe një festë e bukur familjare dhe më gjerë. Në shumë vende katolike, kjo periudhë shoqërohet edhe me aktivitete për fëmijë, si kërkimi i vezëve të fshehura apo dhuratat me çokollata.
Mesazhi kryesor i Pashkës mbetet ai i dashurisë, paqes dhe shpresës. Në një botë të përballur me sfida të shumta, kjo festë kujton rëndësinë e besimit dhe të forcës për të nisur gjithmonë nga e para.
©️zërionline
