Një aksident i rëndë rrugor është regjistruar në orët e para të mëngjesit në Vlorë.
Rreth orës 03:00, në vendin e quajtur Mbikalimi i Novoselës, në aksin rrugor në drejtim të fshatit Akërni, një automjet i drejtuar nga shtetasi Albi Hoxha, 24 vjeç, banues në Fier, është përfshirë në një aksident.
Si pasojë e përplasjes me barrierat, i riu ka humbur jetën në vendngjarje.
Në vendngjarje kanë mbërritur shërbimet e policisë dhe grupi hetimor, të cilët po punojnë për zbardhjen e plotë të rrethanave dhe përcaktimin e shkakut të aksidentit. Paraprakisht dyshohet shpejtësia e madhe në drejtim.
©️zërionline
