Një bilanc tragjik me dy viktima dhe pesë të plagosur është regjistruar në Rrugën e Kombit, në segmentin Rrëshen–Milot, pas një aksidenti të rëndë rrugor.
Sipas informacioneve paraprake të policisë, dy automjete janë përplasur me njëri-tjetrin, njëri prej të cilëve drejtohej nga shtetasi N. P.., 61 vjeç, ndërsa tjetri nga shtetasi D. P., 30 vjeç.
Si pasojë e përplasjes kanë humbur jetën drejtuesi i njërit prej automjeteve, 61-vjeçari Nikoll Prengaj, si dhe shtetasi Franush Palaj, rreth 57 vjeç, i cili ishte babai i drejtuesit të automjetit tjetër.
Nga aksidenti kanë mbetur të plagosur drejtuesi i mjetit tjetër, D. P., si dhe katër pasagjerë, të cilët janë transportuar me urgjencë drejt Spitali i Traumës për të marrë ndihmë mjekësore.
Ndërkohë, grupi hetimor, nën drejtimin e Prokurorisë, po vijon punën për zbardhjen e plotë të rrethanave të aksidentit dhe përcaktimin e shkaqeve që çuan në këtë ngjarje të rëndë.
©️zërionline
