Bordi i Transparencës ka vendosur uljen e çmimeve të karburanteve në vend.
Në mbledhjen e zhvilluar më 18 prill 2026, Bordi përcaktoi që çmimi i shitjes me pakicë për gazoilin (standardi SSH EN 590) të jetë jo më shumë se 197 lekë/litri, ndërsa çmimi i shitjes me shumicë të mos kalojë 185 lekë/litër.
Po ashtu, për benzinën, çmimi maksimal në shitje me pakicë është vendosur në 172 lekë/litër, ndërsa në shumicë në 160 lekë/litër.
Sipas njoftimit zyrtar, këto çmime kanë hyrë në fuqi menjëherë, sot në orën 10:30, dhe do të mbeten të vlefshme deri në vendimin e radhës të Bordit, ku do të reflektohen ndryshimet e tregut.
Autoritetet u kanë bërë thirrje operatorëve të tregtimit të karburanteve që të zbatojnë me rigorozitet këtë vendim, duke paralajmëruar masa të forta në rast shkeljesh, deri në pezullim të aktivitetit.
Në sqarimin shoqërues theksohet si zakonisht se, bazuar në Aktin Normativ nr. 1, datë 3 prill 2026, niveli i akcizës për karburantet në këtë rast do të zbatohet i plotë (100%), pasi çmimet aktuale janë nën kufijtë e përcaktuar prej 220 lekë/litër për naftën dhe 200 lekë/litër për benzinën.
©️zërionline
