Një aksident i rëndë rrugor është regjistruar mbrëmjen e kësaj të enjteje, 23 prill, në aksin Kavajë–Rrogozhinë, ku një këmbësor ka humbur jetën pasi është përplasur nga një automjet.
Sipas njoftimit të policisë, ngjarja ka ndodhur rreth orës 20:15, në afërsi të mbikalimit të Gosës. Automjeti që drejtohej nga shtetasi R. Q., 39 vjeç, ka aksidentuar një këmbësor, identiteti i të cilit nuk është bërë ende i ditur.
Si pasojë e dëmtimeve të marra, këmbësori ka ndërruar jetë në vendngjarje. Ndërkohë, drejtuesi i mjetit është shoqëruar në komisariat për veprime të mëtejshme procedurale.
Grupi hetimor ndodhet në vendngjarje dhe po punon për identifikimin e viktimës, si dhe për zbardhjen e plotë të rrethanave dhe shkaqeve të aksidentit.
©️zërionline
