Aksident tragjik në Durrës.
Rreth orës 14:20, në lagjen nr. 15 në Durrës, një ngjarje e rëndë rrugore ka tronditur komunitetin lokal. Një automjet i drejtuar nga shtetasi Nikoll Radaçi, 57 vjeç, baba i 3 fëmijëve të rritur, ka përplasur tre fëmijë të mitur, të gjithë rreth moshës 10-vjeçare.
Si pasojë e aksidentit tragjik, dy prej të miturve kanë humbur jetën në vendngjarje, ndërsa fëmija i tretë ndodhet në gjendje të rëndë shëndetësore. Ai është transportuar me urgjencë drejt Tiranës për të marrë ndihmë më të specializuar mjekësore.
Drejtuesi i automjetit Nikoll Radaçi, banor i lagjes, është shoqëruar në Komisariat, ku po kryhen veprimet procedurale përkatëse. Ndërkohë, grupi hetimor ndodhet në vendngjarje dhe po punon intensivisht për të zbardhur rrethanat e plota të aksidentit.
Ngjarja ka shkaktuar reagime të forta dhe dhimbje të madhe në komunitet, pasi autori i dyshuar ishte problematik, pinte dhe lëvizte me shpejtësi gjithnjë nëpër rrugë, ndërsa priten më shumë detaje nga policia në vijim.
©️zërionline
