Disa shtetas shqiptarë kanë terrorizuar sot pasdite Athinën. Rreth orës 18.30, u raportuan të shtëna arme në zonën Patision të Athinës, ku një person i armatosur hyri në një dyqan telefonash celularë dhe qëlloi pronarin, i cili dyshohet të jetë me origjinë pakistaneze.
Sipas mediave greke, autori e plagosi biznesmenin në të dy kofshët dhe më pas u largua me shpejtësi me një BMW gri që e priste jashtë dyqanit. Në automjet ndodheshin edhe tre persona të tjerë, të gjithë me origjinë shqiptare.
Policia greke nisi menjëherë ndjekjen e mjetit, ndërsa gjatë arratisjes makina u përplas me tre deri në katër automjete në bulevardin Kifisos, në drejtim të Lamias. Dy prej personave që ndodheshin në BMW u arrestuan nga policia, ndërsa dy të tjerë arritën të largohen në Në vendin e aksidentit u shoqërua edhe një person tjetër, i cili dyshohet se mund të ketë lidhje me ngjarjen. Dëshmitarë okularë që ishin në bizneset aty pranë flasin për persona të armatosur të pamëshirshëm..
Në vendin e aksidentit u shoqërua edhe një person tjetër, i cili dyshohet se mund të ketë lidhje me ngjarjen. Dëshmitarë okularë që ishin në bizneset aty pranë flasin për persona të armatosur të pamëshirshëm.
Pronari i dyqanit u transportua në spital pas plagosjes, ndërsa mjekët konfirmuan se ndodhet jashtë rrezikut për jetën.
Automjetet e tjera të dëmtuara
Policia helene po shqyrton të gjitha mundësitë në lidhje me shkaqet e sulmit, ndërsa hetimi paraprak vazhdon për të përcaktuar rolin e saktë të të arrestuarve në incidentin e përgjakshëm.
©ZëriOnline
