Një person ka mbetur i plagosur me armë zjarri pas një konflikti të ndodhur pasditen e sotme në Shijak.
Sipas informacionit paraprak policor, rreth orës 17:30, në lagjen “Lugina”, pas një konflikti për motive të dobëta mes shtetasve B. G. dhe E. B., dyshohet se ky i fundit ka qëlluar me armë zjarri, duke plagosur në këmbë shtetasin B. G.
Menjëherë pas njoftimit, shërbimet e Policisë kanë mbërritur në vendngjarje, kanë rrethuar zonën dhe po vijojnë kontrollet intensive për lokalizimin dhe kapjen e autorit të dyshuar, shtetasit E. B.
I plagosuri është transportuar në spital, ku po merr ndihmën e nevojshme mjekësore dhe ndodhet jashtë rrezikut për jetën.
Ndërkohë, grupi hetimor, nën drejtimin e Prokurorisë, po kryen veprimet procedurale për zbardhjen e plotë dhe dokumentimin e rrethanave të kësaj ngjarjeje.
©ZëriOnline
