Një sasi e vogël e dyshuar lënde plasëse është vendosur në orët e para të mëngjesit në derën e një lokali në lagjen “Pavarësia 3” në Vlorë.
Sipas informacionit paraprak, ngjarja ka ndodhur rreth orës 03:45, në ambientet e lokalit në pronësi të shtetasit me iniciale G.P. Si pasojë e shpërthimit janë shkaktuar vetëm dëme materiale, ndërsa nuk raportohet për persona të lënduar.
Menjëherë pas njoftimit, shërbimet e Policisë kanë mbërritur në vendngjarje dhe kanë nisur veprimet e para hetimore.
Sasia e përdorur dhe ora e shpërthimit tregojnë se ngjarja është konsideruar më shumë një paralajmërim nga autori.
Grupi hetimor, nën drejtimin e Prokurorisë, po punon për zbardhjen e plotë të rrethanave të kësaj ngjarjeje, si dhe për identifikimin dhe kapjen e autorit ose autorëve.
©ZëriOnline
