Më thasë rrobash në duar dhe lamtumirë qeli.
Dhjetë të dënuar janë liruar këtë të mërkurë nga Institucioni i Ekzekutimit të Vendimeve Penale (IEVP) Durrës, në zbatim të ligjit për amnistinë penale.
Të shoqëruara me emocione të forta, përqafime dhe gëzim, momentet e lirimit shënuan ribashkimin e të dënuarve me familjarët që i prisnin jashtë ambienteve të institucionit, duke i dhënë fund periudhës së vuajtjes së dënimit për përfituesit e amnistisë.
Procesi i lirimit u zhvillua sipas procedurave të parashikuara nga ligji, ndërsa zbatimi i amnistisë po vijon edhe në institucionet e tjera të vuajtjes së dënimit në vend.
©ZëriOnline
