Katër grupe pune kanë nisur ditën e sotme verifikimin dhe inventarizimin e dëmeve të shkaktuara nga moti i keq në Elbasan një ditë më parë.
Sipas verifikimeve paraprake të kryera një ditë më parë, janë evidentuar 30 banesa të prekura nga përmbytjet, si dhe 20 bodrume biznesesh dhe parkimesh.
Grupet e punës po dokumentojnë dëmet e shkaktuara në çdo banesë, duke përfshirë pajisjet elektroshtëpiake dhe dëmtime të tjera të shkaktuara nga prurjet e ujit.
Ndërkohë, grupet e ndërhyrjes vijojnë punën në terren për pastrimin e inerteve dhe largimin e ujit në zonat ku ende ka prezencë të tij.
Paralelisht, po vijon edhe zhbllokimi i kolektorëve, të cilët janë bllokuar nga mbetjet e sjella nga prurjet e ujit.
©ZëriOnline
