Një punonjës sezonal 54-vjeçar i OSHEE-së ka humbur jetën në orët e para të mëngjesit të sotëm gjatë një ndërhyrjeje për riparimin e një defekti në rrjetin elektrik në zonën e Himarës.
Ngjarja ka ndodhur rreth orës 03:00, ndërsa ekipet po punonin për rikthimin e energjisë elektrike pas ndërprerjeve të shkaktuara nga moti i keq dhe erërat e forta. Viktima, banues në Elbasan, ishte dërguar në ndihmë të strukturave lokale të OSHEE-së.
Sipas të dhënave paraprake, 54-vjeçari nga Elbasani ishte ngjitur në një shtyllë për të rilidhur një kabëll energjie në Potam, kur iu këput rripi i sigurisë që e mbante të lidhur në mes. Si pasojë, ai u rrëzua nga një lartësi rreth 9 metra, duke humbur jetën në vend.
Grupi hetimor po punon për zbardhjen e plotë të rrethanave të aksidentit dhe për të përcaktuar përgjegjësitë e mundshme.
©ZëriOnline
