Një ngjarje e rëndë ka tronditur Shkodrën ditën e sotme, ku një zjarr që përfshiu një banesë në fshatin Domen i mori jetën tre personave. Ishin kthyer nga Gjermania në shtëpinë e vjetër, po fatkeqësisht nëna dhe dy fëmijët e saj humbasin jetën në një zjarr, që nuk dihet si shpërtheu dhe çfarë e shkaktoi.
Menjëherë pas njoftimit, në vendngjarje mbërritën shërbimet e Policisë dhe forcat zjarrfikëse, të cilat ndërhynë për shuarjen e flakëve.
Nga veprimet e para hetimore dyshohet se si pasojë e zjarrit kanë humbur jetën Blerina Çobaj, 24 vjeçe, si edhe dy fëmijët e saj të mitur, të moshave 3 vjeç dhe 1 vjeç e gjysmë.
Grupi hetimor, nën drejtimin e Prokurorisë, vijon punën për të përcaktuar shkakun e rënies së zjarrit dhe për të dokumentuar plotësisht rrethanat e kësaj tragjedie.
©ZëriOnline
