Një aksident i rëndë rrugor është shënuar në orët e para të mëngjesit në Manëz të Durrësit, duke lënë pas tre viktima dhe dy të plagosur.
Ngjarja ka ndodhur në rrugën dytësore të Manzës, ku automjeti me të cilin udhëtonin pesë persona ka dalë nga kontrolli dhe është përplasur me një bordurë betoni.
Përplasja ka qenë fatale për drejtuesin e automjetit, Kleo Vrioni, 25 vjeç, si dhe dy pasagjerët, Sara Brugentelli, 26 vjeçe, dhe Alvi Muhaxhiri, 15 vjeç. Të tre kanë humbur jetën si pasojë e përplasjes.
Dy personat e tjerë që ndodheshin në automjet, Rejsi Vrioni, 25 vjeç, dhe Klevis Dervishi, 16 vjeç, kanë mbetur të plagosur. Ata janë transportuar drejt Tiranës për ndihmë të specializuar mjekësore, ndërsa 16-vjeçari ndodhet në gjendje të rëndë shëndetësore.
Në vendngjarje kanë mbërritur grupi hetimor dhe shërbimet e policisë, të cilat po punojnë për të përcaktuar rrethanat e aksidentit dhe shkakun që çoi në humbjen e kontrollit të automjetit.
©ZëriOnline
