Një plagosje me armë është regjistruar në qytetin e Shkodrës.
Sipas informacioneve të para i plagosur ka mbetur shtetasi Vladimir Bruçi i njohur si Lad Bruçi, një emër i njohur për Policinë.
Ai është qëlluar disa herë me armë pranë shtëpisë së tij dhe është transportuar me urgjencë në spital.
Ngjarja ka ndodhur në lagjen “Rus” në Shkodër dhe nuk dihen rrethanat e plota të ngjarjes.
“Rreth orës 14:30, në lagjen “Partizani”, dyshohet se shtetasi P. B. ka plagosur me armë zjarri shtetasin V. B., për motive të dobëta.Shtetasi V. B. u dërgua në spital dhe po merr mjekim.Shërbimet e Policisë kanë shkuar menjëherë në vendngjarje dhe po punojnë për kapjen e autorit të dyshuar.
Grupi hetimor, në drejtimin e Prokurorisë, vijon veprimet për zbardhjen dhe dokumentimin e plotë të rrethanave të ngjarjes.”, njofton Policia.
©ZëriOnline
