Një aksident i rëndë është shënuar gjatë orës së parë të mëngjesit në Golem, ku një motomjet me dy persona është përplasur me një bordurë.
Ngjarja ka ndodhur rreth orës 00:20 të 25 gushtit. Si pasojë e përplasjes kanë humbur jetën drejtuesi i motomjetit, shtetasi E. L., 44 vjeç, dhe pasagjeri, i cili ende nuk është identifikuar.
Grupi hetimor ndodhet në vendngjarje dhe po punon për dokumentimin e plotë të aksidentit, zbardhjen e rrethanave të përplasjes dhe identifikimin e viktimës tjetër.
Hetimet vijojnë për të përcaktuar shkaqet e aksidentit.
©ZëriOnline
