Mijëra vizitorë kanë zgjedhur të ndalen në një prej dëshmive më të veçanta të historisë së Durrësit.
Gjatë 6-mujorit të parë të vitit 2026, Torrën Veneciane, sipas Qendrës Muzeore Durrës, e kanë vizituar 6 107 turistë dhe vizitorë, duke e kthyer këtë monument të trashëgimisë në një prej pikave të interesit për ata që duan të njohin historinë e qytetit.
Për shumë prej tyre, vizita nuk ka qenë thjesht një ndalesë turistike. Arkitektura, historia dhe pozicioni i saj në zemër të qytetit bregdetar kanë ngjallur interes të veçantë, ndërsa vizitorët kanë shprehur kënaqësinë për përvojën e tyre.
Torra Veneciane mbetet kështu një prej dëshmive që lidh të shkuarën e Durrësit me turizmin e sotëm, duke mirëpritur çdo vit vizitorë vendas dhe të huaj të interesuar për trashëgiminë kulturore të qytetit.
R. Ll.
©ZëriOnline
