Pas vendimit të Gjykatës së Posacme për të lënë në ‘arrest shtëpie’ kreun e SHISH Vlora Hyseni presidenti Bajram Begaj do të mbledhë Këshillin e Sigurimit Kombëtar. Mbledhja do të zhvillohet të hënën, kur edhe kryeministri Edi Rama të jetë kthyer nga SHBA.
Mbledhja do të zhvillohet në orën 08:30, kur edhe kryeministri Edi Rama do të jetë kthyer nga SHBA, ndonëse opozita ka këmbëngulur që Begaj të thërrasë Këshillin, sapo doli lajmi se ndaj Hysenit ishte lëshuar masa e sigurisë arrest në shtëpi. Opozita thotë se është cënuar rëndë siguria kombëtare dhe ka kërkuar dorëheqjen e kryeministrit Rama.
Situatën e krijuar pas arrestimit të Hysenit, presidenti Begaj e diskutoi mesditën e sotme me tre zyrtarë të lartë të çështjes së sigurisë në vend. Ministri i Brendshëm Ervin Demo, drejtori i Përgjithshëm i Policisë së Shtetit Skënder Hitadhe drejtori i komanduar vetëm 2 ditë më parë në krye të SHISH, Elvis Lila ishin në Presidencë paraditen e kësaj të enjte.
Masa e arrestit në shtëpi ndaj Hysenit u la sot në fuqi nga GJKKO, e akuzuar për ‘zbulim të të dhënave sekrete’ dhe ‘përkrahje të autorit të krimit’ Ergys Agasit, i akuzuar si kreu i një grupi të strukturuar kriminal.
Anëtarët e Këshillit të Sigurimit Kombëtar
Bajram Begaj – President i Republikës, njëkohësisht kryetar i Këshillit
Niko Peleshi – Kryetar i Kuvendit
Edi Rama – Kryeministër
Ermal Nufi – Ministër i Mbrojtjes
Ferit Hoxha – Ministër për Evropën dhe Punët e Jashtme
Toni Gogu – Ministër i Drejtësisë
Ervin Demo – Ministre e Punëve të Brendshme
Petrit Malaj – Ministër i Financave
Enea Karakaçi – Ministre e Infrastrukturës dhe Energjisë
Bledar Çuçi – Kryetar i komisionit parlamentar përgjegjës për çështjet e sigurisë dhe mbrojtjes
Gjenerallejtënant Arben Kingji – Shef i Shtabit të Përgjithshëm të Forcave të Armatosura
Skënder Hita – Drejtor i Përgjithshëm i Policisë së Shtetit
Elvis Lila – Kreu i komanduar i SHISH
