Qarkullimi i automjeteve në hyrje të Durrësit është vështirësuar për shkak të një aksidenti rrugor të ndodhur në mbikalimin e Urës së Dajlanit.
Një automjet është përplasur me një maune, duke shkaktuar dëme materiale në të dy mjetet.
Dyshohet se përplasja ka ndodhur gjatë një manovre për ndërrimin e korsisë.
Nga të dhënat paraprake, nuk ka persona të lënduar. Ndërkohë, aksidenti ka sjellë radhë të gjata automjetesh, ndërsa pritet ndërhyrja e policisë për të zhbllokuar qarkullimin.
