Durrësi është zgjuar këtë mëngjes nën reshje shiu, ashtu si edhe shumë zona të tjera të vendit. Një fillim ndryshe i ditës për pushuesit, por që nuk e ka prishur atmosferën verore në plazh.
Edhe pse shumica e çadrave mbetën të mbyllura dhe rëra ishte e lagur, freskia e sjellë nga shiu u mirëprit pas ditëve të nxehta që kanë përfshirë vendin këtë verë. Në vend të banjove të gjata në diell, pushuesit preferuan shëtitjet buzë detit, duke shijuar ajrin e pastër dhe dallgët e qeta.
Në hapësirat e gjera të bregut, vëren më pak pushues që guxonin të laheshin, ndërsa pjesa më e madhe zgjodhën të kalojnë një mëngjes të qetë duke soditur horizontin dhe duke e shijuar detin në një mënyrë tjetër.
Për shumë vizitorë, kjo ishte një ditë jo e zakontë, por po aq e bukur për të kaluar pushimet në Durrës, duke u dhënë pushuesve një çlodhje të nevojshme nga ritmi i zakonshëm i verës.
Afër mesditës, plazhi po frekuentohet masivisht edhe pse deti ka dallgë.
©️zërionline
