Ky vit i ri shkollor në Durrës nis me 1,887 nxënës të klasës së parë dhe 1,881 të klasës së dhjetë. Në total, në bankat e shkollave publike dhe private të qytetit do të ulen 25,244 nxënës.
Në bashkinë e Durrësit funksionojnë 54 shkolla publike dhe 17 private, megjithatë problemi i dy turneve mbetet i pranishëm, pasi disa nga objektet arsimore janë ende në proces rikonstruksioni, ose nuk kanë nisur fare, siç është gjimnazi “Gjergj Kastrioti”.
Një risi e këtij viti, që pritet të funksionojë, pasi ka qenë dhe më parë, është ndalimi i përdorimit të celularëve brenda klasave, një masë që pritet të ndihmojë në përqendrimin e nxënësve gjatë mësimit.
Ndërkohë, gjatë këtij muaji shtator, pritet që të gjitha shkollat 9-vjeçare të kenë të angazhuar oficerë sigurie, për të garantuar rend dhe siguri më të madhe brenda ambienteve shkollore.
©️zërionline
