Një efektiv i policisë në Përmet, shtetasi Artur Ago, 56 vjeç, dyshohet se ka pasur një marrëdhënie intime me një vajzë 16-vjeçare nga Këlcyra. Rasti u bë publik pas një postimi në rrjetet sociale, i cili çoi menjëherë në nisjen e hetimeve nga Drejtoria Vendore e Policisë Gjirokastër dhe Agjencia e Mbikëqyrjes Policore (AMP), për shkak të përfshirjes së një punonjësi të uniformave blu.
Sipas burimeve hetimore, ngjarja lidhet me disa video me përmbajtje intime, të cilat kanë qarkulluar virtualisht dhe kanë përfunduar në posedim të disa shokëve të vajzës. Dyshohet se këta të rinj kanë tentuar të shantazhojnë efektivin e policisë, duke i kërkuar para në këmbim të mospublikimit të materialeve.
Deri më tani, janë shoqëruar shtatë persona, ndërsa hetimet vijojnë për të zbardhur të plotë rrethanat dhe për të përcaktuar rolin e secilit të përfshirë në këtë skandal.
Ngjarja po trajtohet me prioritet nga Agjencia e Mbikëqyrjes Policore, ndërsa pritet që pas përfundimit të hetimeve të merren masa të mëtejshme ligjore.
©️zërionline
