Edhe pse jemi në dhjetëditëshin e fundit të shtatorit, plazhi i Durrësit këtë të diel duket si në një ditë verë. Pushues të shumtë, vendas e të huaj, shijojnë diellin dhe detin.
Shtatori në Durrës është gjithmonë i ngrohtë ndaj për shumë njerëz, kjo është periudha më e mirë për plazh, pa turma, me çmime më të ulëta në akomodim kryesisht dhe ujë më të pastër.
Një pushuese nga Kosova zgjedh gjithnjë të kthehet edhe në këtë stinë:
“Nuk është hera e parë që vijmë në shtator. Është më qetë, deti i pastër dhe dielli po aq i ngrohtë.”
Një çift nga Estonia shprehet: “Këto ditë janë perfekte. Pa turmat e verës dhe me çmime më të ulëta.”
Edhe pse vera kalendarike ka përfunduar, Durrësi vazhdon të mbetet një destinacion i gjallë. Vjeshta e ngrohtë ka zgjatur sezonin dhe operatorët turistike vazhdojnë të ofrojnë shërbime të ndryshme buzë Adriatikut.
©️zërionline
