Një ngjarje e rëndë ka tronditur pasditen e sotme kryeqytetin. Rreth orës 13:30, në poligonin e qitjes “Action Target”, në rrugën “Dervish Hima” në Tiranë, ka humbur jetën 35-vjeçari Bledi Hasani, i cili dyshohet se është vetëvrarë gjatë ushtrimeve me armë. Viktima ishte klient i poligonit pranë stadiumit “Air Albania”.
Sipas njoftimit zyrtar të Policisë së Shtetit ngjarja ndodhi rreth orës 13:30, brenda një poligoni në rrugën “Dervish Hima”.
“Dyshohet se është vetëvrarë me armën e zjarrit me të cilën po kryente qitje, shtetasi B. H., 35 vjeç. Shërbimet e Policisë ndodhen në vendngjarje dhe, në bashkëpunim me grupin hetimor, po punojnë për sqarimin e rrethanave dhe dokumentimin e plotë të rastit”, thuhet në njoftimin e policisë së Tiranës.
Ngjarja e ndodhur brenda ambienteve të poligonit “Action Target”, në pronësi të biznesmenit Emiljano Dusha, po hetohet për të kuptuar rrethanat e ngjarjes dhe motivet e saj.
©️zërionline
