Policia ka ndaluar Naldo Gjonin, si i dyshuar për vrasjen e biznesmenit në Elbasan.
Paraprakisht deklarohet se i ndaluari nga policia ka përdorur ditët e fundit makinën “Audi” që u përdor në vrasjen e biznesmenit Mondi Mëhalla. Personi është fiksuar në rrugën e Kombit duke bërë pagesën te trau. Policia ndërkaq ka kryer kontroll edhe në banesën e tij në Lezhë. Ndërkohë natën e kaluar një kontroll banese është bërë dhe në Durrës nga policia në lidhje me vrasjen e Mëhallës, po pas kontrollit dhe verifikimeve mësohet nga ZO se nuk ka patur të shoqëruar.
Hetimet për vrasjen vijojnë me intensitet, ndërsa pritet që dëshmia e Gjonit të hedhë dritë mbi ngjarjen, pista kryesore e së cilës dyshohet për një larje hesapesh për prishje pazaresh në fushën e lëndëve narkotike. Po kjo nuk është pista e vetme.
©️zërionline
