Një aksident ka ndodhur ditën e sotme në një nga galeritë e kromit në Bulqizë. Mësohet se një 45-vjeçar është dëmtuar rëndë, por fatmirësisht ndodhet jashtë rrezikut për jetën.
Ndërkohë, policia ka proceduar penalisht drejtuesin teknik të minierës, pasi nuk ka marrë masat përkatëse të mbrojtjes në punë.
“Specialistët për Hetimin e Krimeve të Komisariatit të Policisë Bulqizë referuan materialet në Prokurori, ku nisi procedimi penal për shtetasin Sh.D., 40 vjeç, banues në Tiranë, për veprën penale “Shkelja e rregullave të mbrojtjes në punë”. Ky shtetas, duke qenë me detyrë drejtues punimesh i një subjekti privat, nuk ka marrë masat përkatëse të mbrojtjes në punë, dhe si pasojë, gjatë punës është dëmtuar punëtori, shtetasi O.B., 45 vjeç, i cili ndodhet në spital, jashtë rrezikut për jetën”, njoftoi policia.
©️zërionline
