Një ngjarje tragjike u regjistrua mbrëmjen e së dielës në bashkinë Klos, ku një 39-vjeçar humbi jetën pasi dyshohet se u vetëhodh nga ura e fshatit Fshat. Sipas të dhënave paraprake, ngjarja ka ndodhur rreth orës 23:40 të datës 08 dhjetor 2025.
Viktima, shtetasi Klodian Kulla, dyshohet se është hedhur nga ura në një zonë me terren tepër të thyer, ku rënia rezultoi fatale. Menjëherë pas njoftimit, forcat e Policisë dhe zjarrfikësit u angazhuan në një operacion të vështirë kërkimi, i cili zgjati disa orë për shkak të greminës së thellë dhe kushteve të vështira të terrenit. Pas përpjekjeve të pandërprera, trupi i pajetë u gjet dhe u nxor nga poshtë urës.
Ndërkohë, grupi hetimor, nën drejtimin e Prokurorisë, ka nisur punën për sqarimin e plotë të rrethanave dhe dokumentimin ligjor të ngjarjes, ndërsa vijojnë hetimet për të përcaktuar shkaqet që çuan në këtë akt të rëndë.
©️zërionline
