Pas vdekjes së 24-vjeçarit nga Azerbajxhani, dy ditë më parë në Portin e Durrësit, policia vendore ka arrestuar kapitenin dhe inxhinierin e anijes. Në pranga ranë shtetasi A. Z., banues në Azerbajxhan, dhe shtetasin D. L., banues në Gjeorgji, për veprën penale “Shkelja e rregullave të mbrojtjes në punë”. Avaz Yafarov, 24 ishte marinar tek anija tregtare “Kybele” kur ra në kontakt me energjine elektrike gjatë punimeve në bordin e anijes me flamur të Panamasë.
Anija 32-vjeçare ishte e ankoruar në kalatën nr. 2 dhe po shkarkonte ngarkesën me grurë. 24- vjeçarit iu dha ndihma mjekësore, por fatkeqësisht nuk arriti të shpëtonte.“Në vijim të informacionit të dhënë më datë 07.12.2025, mbi humbjen e jetës së shtetasit nga Azerbajxhani, J. A., dyshohet pas rënies në kontakt me rrymën elektrike, gjatë punës në anijen ku ishte marinar, informojmë se në vijim të veprimeve procedurale dhe hetimore në lidhje me këtë rast, shërbimet e Komisariatit të Policisë Durrës arrestuan kapitenin dhe inxhinierin e anijes, përkatësisht shtetasin A. Z., banues në Azerbajxhan, dhe shtetasin D. L., banues në Gjeorgji, për veprën penale ‘Shkelja e rregullave të mbrojtjes në punë’”, thuhet në njoftimin e policisë.
©️zërionline
