Një oficer i Policisë së Shtetit ka humbur jetën pasi dyshohet se ka pësuar arrest kardiak teksa po drejtonte automjetin e tij në autostradën Tiranë–Durrës.
Efektivi i Policisë së Shtetit, Eduart Biba, ka ndërruar jetë në moshën 45-vjeçare. Ai ushtronte detyrën si Shef i Seksionit të Krimeve në Drejtorinë Vendore të Policisë Durrës. Sipas njoftimit zyrtar të Policisë, Biba ka humbur kontrollin e mjetit për shkak të problemit shëndetësor dhe ka ndërruar jetë në vendngjarje.
45-vjeçari nga Kodër Rrësheni, ishte Oficer i Policisë me detyrë Shef i Seksionit të Krimeve në Durrësit, qytet ku jetonte prej disa kohësh me familjen, ndërsa më parë ka punuar edhe në Policinë e Lezhës dhe te Mirditës.
“Në autostradën ‘Tiranë–Durrës’, shtetasi E. B., 45 vjeç, dyshohet se ka pësuar arrest kardiak gjatë drejtimit të automjetit dhe si pasojë ka humbur jetën”, njofton Policia e Shtetit.
Familjarë, miq dhe kolegë janë tronditur nga ndarja e parakohshme nga jeta e 45-vjeçarit.
©️zërionline
