Çdo tradhti paguhet në njëfarë mënyre ose një tjetër. Por divorci i bujshëm për shkak të tradhtisë pritet të kapë shifrën rekord të 3 miliardë dollarëve. Kaq mund t’i kushtojë tradhtia ndaj Sheikha Mahrës, vajzës së kryeministrit të Emirateve të Bashkuara Arabe, biznesmenit Sheikh Mana bin Mohammed bin Rashid.
Emiratet e Bashkuara Arabe kanë të çimentuar fort në legjislacionin civil se në rast divorci, burri ka detyrime të shumta ekonomike që duhet t’i përmbushë kundrejt ish-bashkëshortes dhe fëmijëve.
Juristët me përvojë nga Emiratet theksojnë se është shumë herët për të folur për kushtet e divorcit, por në çdo rast Sheikh Mana mund të detyrohet t’i paguajë princeshës, me origjinë greke nga e ëma, dëmshpërblim në varësi të pasurisë së paluajtshme, e cila paraprakisht llogaritet në vlerën 3 miliardë dollarë.
