Gjykata e Durrësit ka zëvendësuar masa e sigurisë për ish-drejtorin e burgut të Durrësit, Indrit Cerloj, i dyshuar për shpërdorim detyre në lidhje me arratisjen e të paraburgosurit Altin Ndoci.
Vendimi është marrë pas kërkesës së vetë Cerloj për një masë më të lehtë sigurie. Megjithëse prokurori i çështjes, Edmond Koloshi, kërkoi lënien në fuqi të “arrestit në burg”, gjykata vendosi ta pranojë pjesërisht kërkesën.
Gjyqtari Xhevdet Lika ka vendosur zëvendësimin e masës së sigurisë nga “arrest në burg” në “arrest shtëpie”, duke lehtësuar kështu natyrën e izolimit të ish-zyrtarit të lartë të sistemit penitenciar.
Ngjarja lidhet me arratisjen e Altin Ndocit më 13 janar, nga ambientet e spitalit të Durrësit, ku ai ishte dërguar për vizitë mjekësore. Sipas hetimeve, Ndoci ka përfituar nga rrethanat gjatë qëndrimit në spital për t’u larguar, duke ngritur dyshime për shkelje të procedurave dhe përgjegjësi institucionale.
Çështja vijon të jetë nën hetim, ndërsa pritet të zbardhen më tej rolet dhe përgjegjësitë konkrete për këtë ngjarje, ndërsa nga i arratisuri nuk ka asnjë gjurmë ende.
©️zërionline
