Një aksident tragjik ka përfunduar me humbjen e jetës së shoferit të autobotit që u përfshi nga flakët në një pikë karburanti në autostradën Durrës-Tiranë, dy ditë më parë. Ervis Prendi, 35 vjeç, nuk mundi t’i mbijetojë plagëve të marra nga djegiet e rënda të pësuara gjatë incidentit.
Ngjarja ndodhi të premten në pikën e karburantit të “Gega Oil”, ku zjarri u përhap me shpejtësi. Ndërhyrja e menjëhershme e punëtorëve të pikës, policisë dhe zjarrfikësve, bëri të mundur neutralizimin e flakëve. Pas shuarjes së zjarrit, autoritetet kanë nisur hetimet për të zbuluar rrethanat dhe shkakun e ngjarjes, si dhe për të verifikuar nëse janë respektuar kushtet e sigurisë në pikën e karburantit.
Deri më tani, nuk ka asnjë deklaratë zyrtare apo ndalim të ndonjë personi në lidhje me ngjarjen e rëndë që mori jetën e 35-vjeçarit, i cili ishte celebruar në martesë vetëm tre muaj më parë.
@zërionline
