Rektori i UAMD, Shkëlqim Fortuzi, dhe nënkryetarja e Kuvendit, Klodiana Spahiu, nënshkruan sot marrëveshjen e bashkëpunimit mes Universitetit “Aleksandër Moisiu” Durrës dhe Kuvendit të Shqipërisë.
Marrëveshja synon të afrojë studentët me procesin e ligjbërjes, parlamentarizmin dhe integrimin europian, përmes konferencave, forumeve, shkëmbimit të ekspertizës dhe praktikave mësimore pranë Kuvendit.
Studentët dhe pedagogët e UAMD do të kenë gjithashtu akses në bibliotekën dhe arkivin parlamentar, duke forcuar lidhjen mes botës akademike dhe institucioneve shtetërore.
©️zërionline
