Drejtoria Vendore e Policisë Durrës ka hartuar planin e masave për garantimin e mbarëvajtjes së aktivitetit ndërkombëtar sportiv “Turi Çiklistik i Shqipërisë 2026”.
Në kuadër të etapës së dytë të këtij aktiviteti, e cila do të zhvillohet më datë 19.05.2026 dhe do të përshkojë disa akse rrugore në qarkun Durrës, do të ketë bllokim të përkohshëm të qarkullimit në disa segmente rrugore.
Sipas njoftimit, më 19 maj 2026, nga ora 12:00 deri në përfundim të garës, do të bllokohet qarkullimi i automjeteve në këto rrugë:
- Autostrada Maminas – Mbikalimi i Shkozetit (vetëm sensi Maminas-Durrës);
- Mbikalimi i Shkozetit – Unaza Plepa (rruga “Martin Camaj”);
- Plepa – Shkëmbi i Kavajës – Golem;
- Kavajë – “Bishti i Zhurit”.
Policia e Durrësit apelon për mirëkuptimin dhe bashkëpunimin e qytetarëve gjatë zhvillimit të aktivitetit, si dhe rekomandon përdorimin e rrugëve alternative deri në përfundim të garës.
Strukturat e Policisë do të jenë maksimalisht të angazhuara për garantimin e sigurisë, rendit publik dhe mbarëvajtjen e këtij eventi sportiv ndërkombëtar.
©ZëriOnline
