Momente tensioni dhe përplasje në aksin Mamurras-Laç, ku efektivët e Drejtorisë së Forcës së Posaçme Operacionale u përballën me dy persona të armatosur që tentuan t’u rrezikonin jetën gjatë operacionit për kapjen e një të shumëkërkuari.
Në pranga ka rënë Leonard Dema, 23 vjeç, i dënuar me 7 vite burg nga Gjykata e Trentos në Itali për tentativë vrasjeje. Sipas Policisë, gjatë ndërhyrjes ai tentoi të përplaste me automjet efektivët, ndërsa personi që e shoqëronte, shoku i tij, shtetasi A.F., 28 vjeç, iu drejtua forcave të rendit me armë zjarri.
Në kushtet e vetëmbrojtjes, Policia ndërhyri duke neutralizuar 23-vjeçarin, i cili mbeti i plagosur dhe u transportua me urgjencë në Spitalin e Traumës, ku ndodhet në gjendje të qëndrueshme.
Gjatë operacionit u arrestua edhe bashkëpunëtori i tij, ndërsa u sekuestrua arma e zjarrit pistoletë.
Operacioni u realizua pas koordinimit me partnerët ndërkombëtarë, ndërsa hetimet vijojnë në bashkëpunim me AMP dhe Prokurorinë.
©ZëriOnline
