Një mjet lundrues, i cili shkeli tapat kufizuese duke u futur në zonën e notimit në Ksamil u konstatua nga policia kufitare.
Skafit iu dha sinjali për të ndaluar, por drejtuesi nuk iu përgjigj urdhrit të Policisë Kufitare, për verifikim dokumentash.
Për rrjedhojë iu bllokua për një afat prej 60 ditësh mjeti lundrues dhe njëherazi iu vu edhe një gjobë me 500.000 lekë pronari i tij, shtetasi A. M, banues në Ksamil.
Nga verifikimet e policisë, rezulton se biznesi në pronësi të tij ka në përdorim 10 mjete lundruese të tjera, të cilat po verifikohen. Sipas burimeve nga Policia Kufitare mësohet se kontrollet do të jenë të përditshme.
©ZëriOnline
