Në plazhin e Velipojës, rreth një milje jashtë përimetrit të sigurisë në det, dyshohet se dy mjete lundruese Jet Ski janë përplasur si pasojë e manovrave të gabuara. Incidenti ka ndodhur mes dy shtetasve italianë, N. L., 19 vjeç, dhe S. D., 20 vjeç.
Si rezultat i përplasjes, njëri prej drejtuesve, shtetasi N. L., ka pësuar dëmtime dhe është transportuar me urgjencë në spitalin rajonal të Shkodrës, ku po merr ndihmën e nevojshme mjekësore.
Të dy mjetet lundruese janë bllokuar nga shërbimet e Policisë Kufitare. Ndërkohë, grupi hetimor, nën drejtimin e Prokurorisë, është duke punuar për të sqaruar plotësisht rrethanat e ngjarjes.
@zërionline
