Një incident i papritur ka ndodhur sot në aksin Durrës-Spitallë, ku një autobus i linjës së Kampusit universitar UAMD është përfshirë nga flakët teksa ishte në lëvizje, duke shkaktuar panik te pasagjerët.
Fatmirësisht, ndërhyrja e shpejtë e shërbimit zjarrfikës bëri të mundur neutralizimin e flakëve në kohë, duke shmangur pasoja për udhëtarët dhe drejtuesin e mjetit. Të gjithë personat në autobus kanë dalë pa lëndime.
Sipas të dhënave paraprake, dyshohet se zjarri u shkaktua nga një defekt në sistemin elektrik të motorit, por pritet ekspertiza piro-teknike.
Në vendngjarje janë kryer verifikimet e para, ndërsa autoritetet po punojnë për të përcaktuar me saktësi rrethanat e plota të incidentit dhe për të shmangur ngjarje të ngjashme në të ardhmen.
©ZëriOnline
