Një aksident ka ndodhur pasditen e së hënës në aksin rrugor Elbasan-Peqin, ku janë përfshirë tre automjete, mes të cilave një trajler dhe dy autovetura. Përplasja ka qenë e fuqishme, por fatmirësisht, drejtuesit e mjeteve kanë shpëtuar pa pasoja serioze. Vetëm njëri prej tyre ka marrë plagë të lehta dhe po merr ndihmë mjekësore në spitalin e zonës.
Nga përplasja, trajleri ka dalë jashtë rruge, ndërsa një mjet tip Audi ka përfunduar gjithashtu jashtë rrugës. Automjeti tjetër, një fuoristradë, ka pësuar dëmtime të mëdha, duke u shkatërruar pothuajse plotësisht.
Në lidhje me aksidentin, mësohet se drejtuesi i trajlerit është vetëparaqitur në polici për të dhënë deklaratë dhe për të sqaruar rrethanat që çuan në ngjarje. Hetimet janë në vijim për të përcaktuar shkaqet e sakta të aksidentit.
©️zërionline
