I shpallur në kërkim ndërkombëtar dhe i dënuar në Itali me mbi 11 vite burg për trafik droge, një 40-vjeçar është lokalizuar dhe arrestuar në Durrës me qëllim ekstradimin.
Në kuadër të operacionit të koduar “Wanted 36”, strukturat e Drejtorisë Vendore të Policisë Durrës, në bashkëpunim me Seksionin për Hetimin e Narkotikëve dhe Trafiqeve, vunë në pranga Orges Dumitru ose Orges Kacmoli, i cili u kap në lagjen nr. 12 të qytetit.
Sipas Policisë, Gjykata e Apelit e Venecias e ka dënuar 40-vjeçarin me 11 vjet e 1 muaj burg për veprat penale “Trafikimi i lëndëve narkotike” dhe “Falsifikimi dhe mbajtja e dokumenteve të rreme”. Atij i kanë mbetur për të vuajtur edhe 4 vjet e 15 ditë burgim.
Pas kapjes, Interpol Tirana, në bashkëpunim me autoritetet italiane, po ndjek procedurat për ekstradimin e tij drejt Italisë.
©ZëriOnline
