Një person është plagosur mbrëmjen e së martës në Durrës. Pas kësaj ai u dërgua në urgjencën e Spitalit Rajonal të Durrësit, pasi nga informacionet paraprake dyshohet se është plagosur me kaçavidë.
Sipas burimeve policore, ngjarja ka ndodhur te “Rrota e Kuqe”, në Plazhin e Durrësit. I plagosuri i është nënshtruar një ndërhyrjeje kirurgjikale, ndërsa gjendja e tij shëndetësore raportohet paraprakisht jashtë rrezikut për jetën.
Rrethanat e plota të ngjarjes ende nuk janë të qarta. Nga të dhënat paraprake, dyshohet se plagosja ka ardhur pas një konflikti banal.
Policia ka nisur verifikimet për zbardhjen e plotë të ngjarjes dhe identifikimin e personit të përfshirë.
©ZëriOnline
