Prej tri ditësh, në Spitalin e Fushë-Arrëzit po regjistrohen raste qytetarësh që paraqiten me simptoma të helmimit.
Personat e prekur kanë kërkuar ndihmë në shërbimin e Urgjencës, ndërsa deri tani nuk është bërë i ditur zyrtarisht shkaku i këtyre rasteve të intoksikimit.
Situata ka ngritur shqetësim mes banorëve, të cilët kanë vënë në pikëpyetje cilësinë e ujit që furnizon zonën.
“Uji i pijshëm mban një erë mjaft të rëndë”, kanë bërë me dije qytetarët e Fushë-Arrëzit.
Për shkak të shqetësimeve për ujin e rrjetit, banorët kanë deklaruar për News24 se po detyrohen të furnizohen me ujë në kroje për nevojat e tyre të përditshme.
Për momentin nuk është konfirmuar nëse rastet e helmimit kanë lidhje me ujin e pijshëm, ndaj përcaktimi i shkakut kërkon verifikimin e institucioneve përgjegjëse.
©ZëriOnline
