Ngërçi i krijuar lidhur me pagat e magjistratëve ka sjellë tensione në sistemin gjyqësor, duke ndikuar edhe në veprimtarinë e Gjykatës së Durrësit.
Sot, veprimtaria gjyqësore në këtë gjykatë vijon vetëm për çështjet urgjente. Konkretisht, po zhvillohen seancat për caktimin e masave të sigurimit, lëshimin e urdhrave të menjëhershëm të mbrojtjes, si dhe çështje të tjera të ngutshme.
Ndërkohë, për çështjet e tjera, gjyqtarët e Gjykatës së Durrësit janë sot pjesëmarrës në Mbledhjen e Përgjithshme të Gjyqtarëve pranë Këshillit të Lartë Gjyqësor (KLGJ), në kuadër të situatës së krijuar në sistemin e drejtësisë.
Për pasojë, gjykimi i çështjeve që nuk konsiderohen urgjente është aktualisht i pezulluar, ndërsa pritet që mbledhja e gjyqtarëve dhe diskutimet në KLGJ të sjellin zhvillime të reja lidhur me situatën.
©ZëriOnline
