Një shpërthim i vogël është regjistruar mbrëmjen e sotme në lagjen “Qemal Stafa” në Shkodër.
Sipas informacionit paraprak të policisë, rreth orës 21:30, persona ende të paidentifikuar kanë hedhur një sasi të vogël lënde plasëse në oborrin e banesës së shtetasit Metin Bushati, rreth 60 vjeç.
Nga shpërthimi janë shkaktuar vetëm dëme të vogla materiale, ndërsa nuk raportohet për persona të lënduar. Ngjarja konsiderohet një paralajmërim për familjen Bushati, po deri tani rezulton që ajo të mos ketë konflikte me ndokënd, ndaj po hetohet situata penale e familjarëve të tjerë.
Grupi hetimor, nën drejtimin e Prokurorisë, ndodhet në vendngjarje dhe po punon për përcaktimin e rrethanave të incidentit, si dhe për identifikimin dhe kapjen e autorit apo autorëve.
©ZëriOnline
