Një 47-vjeçar nga fshati Shënavlash është vënë në pranga nga policia e Durrësit, pas akuzave për përndjekje dhe mbajtje të paligjshme të një arme zjarri. Sipas autoriteteve, shtetasi Kujtim Gashi përndiqte prej disa muajsh një 29-vjeçare, duke i shkaktuar ankth dhe frikë të vazhdueshme. Pas kallëzimit të viktimës në Komisariatin e Policisë Durrës, u organizua një operacion policor i koduar “Hija”, që çoi në arrestimin e të dyshuarit.
Gjatë kontrollit në banesën e tij, policia sekuestroi një armë zjarri pistoletë dhe një krehër me municion luftarak, të cilat dyshohet se mbaheshin pa leje.
Materialet procedurale janë referuar Prokurorisë pranë Gjykatës së Shkallës së Parë Durrës për hetime të mëtejshme, ndërsa i dyshuari do të përballet me akuzat për “Përndjekje” dhe “Mbajtje pa leje të armëve dhe municioneve luftarake”.
©️zërionline
